Жаңалықтар

Әскери қызметкерлерге – мың алғыс!

Атырау облысы аумағында орын алған көктемгі су тасқынымен күреске елеулі үлес қосқан әскери қызметкерлерді шығарып салу рәсімі өтті.

Облыстық төтенше жағдайлар департаменті қоғаммен байланыс тобының хабарлауынша, Атырау аумағында қалыптасқан су тасқыны қаупі жағдайына байланысты ҚР ТЖМ бұйрығымен төтенше жағдайдың алдын алуға және жоюға көмек көрсету үшін бірқатар күш, оның ішінде република Қорғаныс министрлігінің 85395 әскери бөлімінің 1000-нан астам күші мен құралдары жұмылдырылған болатын.

Бүгінгі күнге дейін аталған әскери бөлімнің 300-ге жуық әскери қызметкері Индер ауданында бөгеттерді нығайту жұмыстарын жүргізді.

Салтанатты шығарып салу іс-шарасы барысында аталған департамент бастығының орынбасары, азаматтық қорғау подполковнигі Н.Селимов әскери ұжымға департамент бастығының атынан Алғыс хат табыстады.

Сондай-ақ облыстық ардагерлер кеңесінің төрағасы Мұрат Өтешов сын сағатта шұғыл әрекет етіп, өңірді тасқыннан қорғауға зор үлес қосқаны үшін әскери қызметкерлердің кеудесіне «Қас Батыр» медалін тағып, Алғыс хаттармен марапаттады.

Алтыншаш НӘСІПҚАЛИҚЫЗЫ

Related Articles

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Back to top button