Артық құжаттарды сұратуға жол жоқ!

Атырау облысында «Құрылыс және реконструкция жобаларын әзірлеу» бойынша мемлекеттік қызмет көрсетуде қосымша құжаттарды сұрату мәселелері анықталды. e-Atyrau ақпараттық жүйесінің толық интеграцияланбауы қызмет алушылардан артық құжаттардың талап етілуіне әкелді.

ҚР Мемлекеттік қызмет істері агенттігі Атырау облысы бойынша департаментінің араласуымен бұл қызметті elicense.kz жүйесіне ауыстыру нәтижесінде артық құжаттар сұрату тоқтатылды. Биыл 9 айда жүргізілген тексерістер барысында 391 стандартсыз құжат пен 113 ақпараттық жүйеден алынатын құжат сұратылғаны анықталды.

Сурет: gov.kz