Атырау мұнай өңдеу зауыты жөндеуден өтті
Atr.kz/1 тамыз, 2019 жыл. 30 шілде күні Атырау мұнай өңдеу зауытының технологиялық қондырғыларындағы кестеге сәйкес 20 күнге созылған жөндеу жұмыстары аяқталды.
Осы кезеңде барлық жоспарланған жұмыс көлемі сәтті орындалды. Жөндеу RLG әдістемесі бойынша әзірленген жоспар-кестеге сәйкес, яғни қондырғы бойынша жұмысқа нақты уақыт, адам және материалдық ресурстар бөлініп жүргізілді .
Биылғы жылы жөндеу жұмыстарының саны 7,6 есеге – 2018 жылы 1670-тен 2019 жылы 12695-ке дейін көбейгенін атап өту қажет.
Белгіленген қысқа уақытта бірнеше ауыр жөндеу жұмыстарын жасау зауыттың тәжірибесінде алғаш рет болып тұр.
Атап айтқанда, алғаш рет ЭЛОУ-АВТ-3 қондырғысының ауқымды жөндеуі жүзеге асырылды, онда 1969 жылдан бері пайдаланылған 1500 м-ден астам құбыржолдары ауыстырылды. Қондырғыдағы құбырлардың диаметрі 600 мм жетеді.
Жалпы, шілде айының 20 күні ішінде Технологиялық жабдықтарды, құбырларды, өндірістік пештерді, электр жабдықтарын жөндеу, оқшаулауды бөлшектеу және монтаждау жүзеге асырылды, құбыр бумалары мен электродигедраторларына тазалау жүргізілді, пештердің құбырлық жыланшаларына жөндеу жүргізілді, бақылау өлшеу аспаптары және автоматика кабельдері ауыстырылды.
Жөндеу кезінде 140 тонна құбыр ауыстырылды.
Құрылыс-монтаж жұмыстарына 640 мердігер ұйымдардың мамандары мен 49 бірлік техника жұмылдырылды. Жұмыстың негізгі көлемін Павлодардан келген мердігер ұйым — «Мегастрой плюс»ЖШС орындады.
Сонымен қатар, жөндеу жұмыстарына «Интра» ЖШС, «КазТурбоРемонт» сервистік орталығы, «РМЦ-Шымкент» ЖШС, «Global Automation Service» ЖШС, «МагиКрот» ЖШС, «ИПК» ЖШС, «Мұнайреалэкспресс» компаниясы, «Инком» ЖШС және т.б. 20-ға жуық мердігерлік ұйымдар қатысты. Айта кетейік, жөндеу жұмыстарына қарамастан, АМӨЗ өңірді отынмен қамтамасыз ету үшін тауар өнімін азайтылған көлемде шығаруды жалғастырды.
«Өткен ағымдағы жөндеу соңғы жылдары АМӨЗ – де ең ауқымды болды-біз жаңғыртылғанға дейін салынған зауыттың бес ірі қондырғысын: ЭЛОУ-АВТ-3, бензин мен дизель отынын гидротазалау, сутегін өндіру, баяу кокстеу және күкірт өндіру қондырғысын қамтыды.
Өткен жылдан бастап біз канадалық RLG компаниясының әдіснамасы бойынша жөндеу жұмыстарын жүргіземіз, ол тек жұмыс көлемін алдын ала жоспарлауға, учаскелерді, қажетті адам-сағат санын және тіпті техниканы анықтауға ғана емес, сондай-ақ зауыт қаражатын үнемдеуге мүмкіндік береді.
Биылғы жылдан бастап «Мұнайреалэкспресс» компаниясының арқасында біз электродигедраторлар мен ЭЛОУ-АВТ қондырғысының сыйымдылықтарын булаусыз, реагенттердің көмегімен тазартуды жүргіздік, бұл көмірсутектер атмосферасына булануды толығымен жоққа шығарды», — деп түсіндірді АМӨЗ бас директоры Шухрат Данбай.
Жалпы, жүргізілген жөндеу жабдықтардың тиімділігін жақсартуға, өнеркәсіптік және экологиялық қауіпсіздікті арттыруға мүмкіндік береді.
Бүгінгі күні барлық қондырғылар жоспарға сәйкес өнімді шығара отырып, штаттық режимде жұмыс атқаруда.
АМӨЗ-ның қоғаммен байланыс қызметі
