АЛДАН СМАЙЫЛ, ПАРЛАМЕНТ МӘЖІЛІСІНІҢ ДЕПУТАТЫ: ТЕҢГЕНІ ҚАЛАЙ ДЕМЕЙМІЗ?

Көршілес елдер – Қытай мен Ресей соңғы жылдары сауда саласындағы әлемдік алыс-берісті ұлттық валюта арқылы жүзеге асыруға әрекет жасауда. Меніңше, біздің де ішкі және сыртқы сауданы доллармен емес, төл теңгемізбен жүргізуге біртіндеп көшкеніміз жөн. Уақыт өте келе халықаралық сауданы да төл теңгеміз арқылы жүзеге асырсақ, құба-құп болар еді. Осы жағынан алғанда, Ұлттық банктің тұрғындарға несиені теңгемен беру туралы бастамасын құптаймыз. Сондай-ақ, мұны елімізде теңгені тұрақтандыру және оның мәртебесін көтеру бағытындағы батыл қадам деп бағалауға болады.