600 мың теңге мемлекетке қайтарылды
«Г» республикалық мемлекеттік мекемесі лицензиялық алымдар бойынша 637 200 теңге көлеміндегі борышты «К» жеке кәсіпкерінен өндіруді сұрады. Сөйтіп, сот көмегіне жүгінген болатын.
Арызда алкоголь өнімдерін бөлшек саудада өткізуші лицензиардың өз міндеттерін орындамағаны көрсетілген. «Өткен жылғы 29 маусымдағы Қазақстан Республикасының Жоғарғы Сотының «Салық заңнамасын қолданудың сот практикасы туралы» нормативтік қаулысының 8-тармағына сәйкес, Салық кодексінің 18 бабында көзделген міндеттерге негіздей отырып, мемлекеттік кірістер органдары аталған тұлғалардан лицензиялық алым бойынша берешекті өндіріп алу туралы талаппен сотқа жүгінуге құқылы. Сот шешімімен «Г» РММ-нің талабы қанағаттандырылып, мемлекет кірісіне 637 200 теңге өңдірілді» делінген облыстық мамандандырылған ауданаралық экономикалық сотының баспасөз қызметінде.
