№4 маршрутта – ЖАҢА АВТОБУСТАР

Жалпы, Атырау қалалық тұрғын үй және коммуналдық шаруашылық бөлімі көлік және байланыс секторының меңгерушісі Қуаныш Ибрагимовтың айтуынша, бұл шара шаһар басшысының тікелей тапсырмасы бойынша жүзеге асырылған. Өйткені, жыл санап жаңа ғимараттар қатарға қосылып жатқан «Нұрсая» ықшамауданы тұрғындарының талабы да артып отыр. Мұнда алдағы уақытта да ондаған тұрғын үй пайдалануға берілуі жоспарланған. Демек, халық саны қазіргіден де көбеймек.
Ал, «АйсТрансХолдинг» мекемесінің басшысы Мақсот Сүйінов қаладағы жолаушы тасымалын жақсарту бағытында алдағы уақытта тағы да бірнеше жаңа көлік алу жоспарланып отырғандығын айтады.

Меңдібай CҮМЕСІНОВ.