Жарнама
Жаңалықтар

Атырау облысының әкімі мерекемен құттықтады

Атырау облысының әкімі Серік Шәпкенов Халықаралық балаларды қорғау күнімен құттықтады.

«Қадірлі достар, ардақты ата-аналар!

Сіздерді ең жарқын да жасампаз мереке – Халықаралық балаларды қорғау күнімен шын жүректен құттықтаймын!

Бұл күн шат-шадыман қуаныш пен сыңғырлаған күміс күлкіге толы. Көңіліміздің гүлі, көзіміздің нұры бүлдіршіндер – біздің болашағымыз, ел ертеңі мен баға жетпес байлығымыз.

Балаларға қамқорлық, толыққанды тұлға болып қалыптасуына жағдай жасау – мемлекеттің әлеуметтік саясатының негізгі және басым бағыттарының бірі.

Зерделі де зерек ұрпақ – өз отбасы мен туған Отанының қамын жеген әр адамның күнделікті маңдайтерінің жемісі.

Жас ұлан ата-ана мен ата-әжесін, тәлімгері мен ұстазын, өскелең өркен үшін аянбай еңбек етіп келе жатқандардың баршасын қуантып, өз жетістігін сыйласын.

Балалардың дені сау, бақытты болып өсуі үшін қолдан келгеннің бәрін жасап жатқан әр шаңыраққа, өз жүрек қалауымен таңдаған кәсібінің табиғаты бойынша балалардың өзін-өзі жүзеге асырып, табысқа жетуіне көмектесіп жүрген педагогтар қауымына алғыс айтамын.

Шаңырақта әрқашан өзара түсіністік орнап, күнделікті қарым-қатынаста сенім мен сүйіспеншілік салтанат құрсын!

Ал, қымбатты достар, жазғы демалыстарыңыз жақсы өтсін, ең асыл армандарыңызға жетіңіздер!», – делінген құттықтауында.

Related Articles

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Back to top button