Атырауда парша-паршасы шыққан қой-ешкінің видеосы тарады

Жылыой ауданында 24 қаңтарда жоғалып кеткен қой-ешкілер қасқырдың жемтігіне айналғанға ұқсайды.

Бұл – Каспий теңізінің жағалауына дейін мал іздеген Қосшағыл ауылдық округінде тіркелген «Ақбота» шаруа қожалығының жұмысшыларының болжамы. Ауа райының қолайсыздығы мен техниканың жетіспеушілігінен іздеу жұмыстарын толық жүргізу мүмкін болмаған. Түз тағысына жем болған ұсақ малдың суреттері мен бейнежазбасы azh.kz сайтында жарияланды.

Ал, аудандық полиция қызметкерлері тек 10 қой мен ешкіні ғана тапқан. Қалған елу шақтысын қасқыр жеп қойғанға ұқсайды.

Амандық САҒЫНТАЙҰЛЫ