«Атырау өлкетану оқулары»
Атырау облысы әкімдігі, облыстық мәдениет және тілдерді дамыту басқармасы, облыстық тарихи-өлкетану музейінің ұйымдастыруымен Ұлы Жеңістің 80 жылдығы қарсаңында өткен ІІ облыстық ғылыми-тәжірибелік конференция осылай деп аталды.
Конференцияға арнайы Алматы қаласынан филология ғылымдарының кандидаты Қазақстан Республикасы еңбек сіңірген қайраткері, жазушы-эссеист Мақсат Тәжмұрат, тарих ғылымдарының кандидаты, Нұр-Мүбәрак Ислам мәдениеті университетінің оқытушысы Досымбек Қатран қатысты.
Конференция жұмысының мақсаты облыстағы зерттеуші-ғалымдар, өлкетанушылар мен ұстаздар, музей мамандарының Ұлы Отан соғысы жылдарындағы Атырау өлкесі, өлкенің табиғаты, географиясы, топономикасы, археологиясы, этнографиясы, фольклоры, тарихы, ескерткіштері, музей ісі туралы жұмыстарын таныстыру.
