Сенсация! Ұлттық құрама футзалдан әлем чемпионын қапы қалдырды

Футзалдан Қазақстан құрамасы әлем чемпионатында сенсация жасады! Ойыншыларымыз Ташкентте 1/8 кезеңде қазіргі әлем чемпионы Португалиядан басым түсті.

Есеп: 2-1

Голдар: Шыңғыс Есенаманов (10-минут, 1-0), Зики Те (1-1), Арнольд Кнауб (39 минут, 2-1).

Енді ширек финалда Қазақстан 3 қазанда Ташкентте Аргентина/Хорватия құрамасының бірімен кездеседі. Аргентина – осыған дейінгі әлем чемпионатының күміс жүлдегері.

Екі құрама осыған дейін 2021 жылы Литвада өткен Әлем Кубогының жартылай финалында кездесіп, пенальти сериясында Переней түбегінің өкілі жеңісті тойлаған.

Еске сала кетейік, Ұлттық құрама әлем чемпионатының плей-офф кезеңіне D тобынан 2-орынмен шықты. Рикардо Кака баптайтын ойыншылар Испаниямен тең түсіп (1-1), кейін Ливияны (8-0) және Жаңа Зеландияны (10-0) жеңген.