Ел құрамасы Олимпиада ойындарына аттанды

Республика Туризм және спорт министрі Ермек Мыржықпаев спортшыларға сәттілік тілеп, шығарып салды.

«Сіздердің алдыңызда елімізді Париж Олимпиадасында таныстыру, ел намысын абыроймен қорғау сияқты маңызды әрі өте жауапты міндет тұр. Олимпиададағы жетістіктер – бүкіл елдің әлемдегі имиджі, мемлекеттің әл-ауқатының көрсеткіші, ең бастысы, бұл – сіздердің көпжылдық және қажырлы еңбектеріңіздің нәтижесі!», — деді министр Ермек Маржықпаев.

Әлемдік доданың ашылу салтанаты 26 шілдеде Париждегі Сена өзенінде өтеді. Жарысқа 205 елден 10 мыңнан астам спортшы қатысады. Олар 32 спорт түрінен 329 медаль жиынтығын сарапқа салады.

Спортшыларымыз абыроймен оралсын!