Атыраулық жас дзюдошылар ҚР чемпионатында жеңіске жетті

Орал қаласында өткен ҚР чемпионатында атыраулықтар 2 алтын, 1 күміс пен 5 қоланы иеленді,-деп хабарлайды Өңірлік коммуникациялар қызметі.

Додаға 17 облыстан 20 команда, 800-ден астам спортшы қатысты.

–Бұл сайысқа дайындықты бір жыл бұрын бастадық. Бүгінде осы чемпионатта тек жеке сайыс бойынша алға шығып қоймай, медаль санына байланысты бесінші орынды иемдендік. Бұл жеңіс бізге әлем және Азия чемпионаттарына жолдама береді, — деді аға жаттықтырушы Сұлтан Өтешов.

Тартысты доданың бірінші кезеңінде Ақмола облысы бойынша 4:0, Астана қаласы бойынша 4:1, Қызылорда облысы бойынша 4:0 есебі жерлестеріміздің пайдасына түсті. Ал соңғы кезеңдегі алматылықтармен өткен шиеленісті кездесуде атыраулықтар 4:3 есебімен жеңіске жетті.