Атыраулық спортшы Азия чемпионатының күміс жүлдегері атанды

Сейлбеков Нұрдәулет Азия чемпионатының күміс жүлдесін жеңіп алды.

10-18 маусым күндері Қырғызстан астанасы Бішкек қаласында күрес түрлерінен жастар арасында Азия чемпионаты өтуде.

Еркін күрестен 17 жас аралығы бойынша 71 келі салмақ дәрежесінде Сейлбеков Нұрдәулет күміс жүлдегер атанды. Ол бірінші айналымда Корея елінің балуанын 10:0 есебімен ұтты.

Жартылай финалда Үндістан спортшысын 10:0 есебімен ұтса, ақтық бәсекеде Иран елінің балуанына 6:2 есебімен ұтылды.