Атырауда мемлекеттік қызметшілер спартакиадасы басталды

Бүгін Атырауда Мемлекеттік қызметшілер күні қарсаңында дәстүрлі спартакиада бастау алды. Жыл сайын ұйымдастырылатын бұл спорттық шараға облыс бойынша мемлекеттік қызметкерлер қатысып жатыр.
Қатысушылар екі күн бойы волейбол, тоғызқұмалақ, шахмат және үстел теннисі сынды бірнеше спорт түрінен өзара бақ сынайды.

Жарыстың мақсаты – салауатты өмір салтын насихаттап, ұжым ішіндегі бірлікті арттыру.
Шараны Мемлекеттік қызмет істері департаментінің басшысы Нұрлан Еркебаев ашып, әріптестеріне спорттық сайыстарда сәттілік пен жарқын жеңістер тіледі.
Сонымен қатар Дене шынықтыру, спорт және туризм басқармасының міндетін атқарушы Нұрбол Сыдықов та шараға қатысушыларға өз құттықтауын жеткізді.

Жарысқа қатысатын 19 команданың құрамында жергілікті атқарушы органдар мен аумақтық департаменттердің өкілдері бар.

Майра ЕРҒАЛИ