Спорт
Атырауда «Каспий жұлдыздары» атты көркем гимнастикадан ашық чемпионат өтуде
«Атырау» дене шынықтыру-сауықтыру кешенінде «Каспий жұлдыздары» атты көркем гимнастикадан ашық чемпионаты өтуде, деп хабарлайды Атырау облысы Өңірлік коммуникациялар қызметі.
Аталған жарысқа облысымызбен қатар 7 қаланың 450 гимнастшылары бақ сынауда. Чемпионат топтық және жекелей бағдармала бойынша, облыс әкімдігі, дене шынықтыру және спорт басқармасы, Атырау көркем гимнастика федерациясының ұйымдастырумен өтуде.
— Бүгінгі ашық чемпионатқа облысымыздан 200 гимнастшылар қатысуда. Жарыс әлі екі күнге созылады. Барлығы жоғары деңгейде өтуде. Қатысушыларға сәттілік тілеймін, деді аға-жаттықтырушы Көклан Егеубаева.
Айта кетейік, іріктеуден өткен ең үздік спортшылар Қазақстан Республикасының чемпионатына жолдама алады.