Атырауда «Жұмысшы жастар аллеясы» ашылды

Жұмысшы жастардың республикалық форумы мен «Таза Қазақстан» экологиялық акциясы аясында Атырау қаласында Жайық өзенінің оң жақ жағалауында Жұмысшы жастар аллеясы ашылды.

Аталған акцияда еліміздің түкпір-түкпірінен келген, өндіріс орнында еңбек ететін жастар, студенттер және кәсіпорын жетекшілері бірлесіп, жаңа аллеяға 100-ге жуық тал екті.

Аллеяның ашылуы өңірде экологиялық мәдениетті дамытып, жасыл аймақтарды көбейтуге бағытталды.

Іс-шараға республика Мәдениет және ақпарат министрлігінің Жастар және отбасы істері комитеті төрағасының орынбасары Біржан Әлімжанов пен Атырау облысы Ішкі саясат басқармасының басшысы Гүлнұр Сүйеуова қатысты.

Дәулетқали АРУЕВ