Атырауда маса улауға 130 млн теңгеге жуық қаржы бөлінді

Атырау қалалық әкімдігі масаны улауға 130 млн теңгеге жуық қаржы бөлінгенін мәлімдеді.

«Биыл шаһар бюджетінен масаға қарсы дезинсекциялық жұмысқа 129 млн 995 мың теңге бөлініп отыр. Қаңтарда масаға қарсы дезинсекциялық жұмысты жүргізуге тендерлік конкурс жарияланған еді. Алайда, қатысушылардың құжаттарына байланысты конкурс сәуір айына ауыстырылды. Жақында тендер нәтижесі шығады. Ал, мамыр айының басында дезинсекциялық жұмыс басталады. Бірақ, сәуірде қаланың кейбір бөліктерінде демеушілік көмекпен масаға қарсы роторлы бүріккішпен улау қолға алынды» делінген хабарламада.

*Фото ашық дереккөздерден алынған