Атырауда «Автобус» жедел алдын алу іс-шарасы өтті

Атырауда «Автобус» жедел алдын алу іс-шарасы кезінде полицейлер 400-ден астам заңбұзушылықты анықтаған.

Мәселен, 92 жүргізуші қоғамдық көлікті басқару кезінде ұялы телефон қолданғаны үшін жауапқа тартылса, маневр ережесін бұзған 43 жүргізушіге айыппұл салынған.

Жылдамдықты асырған 26 автобус жүргізушісіне хаттама толтырылды. Жедел профилактика кезінде қоршаған ортаны ластау факторларына да тексеріс жүргізілді. Ауаға шамадан тыс газ шығарған 4 қоғамдық көлік анықталды.

Ал, автобусты алкогольді ішімдік ішкен күйінде басқарған 2 жүргізушінің ісі сотқа жолданыпты.