Референдумнан күтеріміз мол

Кенттегі 114 референдум учаскесіне келушілер саны сағат санап артуда. Барлығының да тілегі бір: еліміздің тыныштығы. Кейбірі бір-бірін көріп, қуаныштарын білдіріп, амандық сұрасып мәре -сәре болуда.

Солардың бірі кент тұрғыны Нұржан Ералин отбасымен келіп республикалық референдумға өз үлесін қосты.

— Конституциядағы өзгерістерден көп үміт күтеміз. Теледидар мен түрлі ақпарат құралдары арқылы халыққа түсіндіру жұмыстары жүргізілді. Енді сол өзгерістер оңынан болып, еліміздің болашағы жарқын болсын демекпін дейді.

Айта кетейік, аталмыш референдум учаскесі бойынша 1831 сайлаушы тіркелген.

Жадыра НАРИМАНҚЫЗЫ