Президентті жеті жылға сайлау туралы норма бекітілді – министрлік

16002746 0 42 3495 2008 2072x0 60 0 0 ab711a661a215eb15dbb9064391619bf Саясат

ҚР Президентінің бірқатар құзыреті мен өкілеттігін шектейтін заң қабылданды. Бұл туралы ҚР Әділет министрінің орынбасары Алма Мұқанова мәлім етті, деп хабарлайды ҚазАқпарат тілшісі.

«Мемлекет басшысы биыл 16 наурыздағы халыққа жолдауында саяси институттарды жаңарту мәселесін көтерді. Атап айтқанда, президенттің бірқатар өкілеттігін қысқарту, Парламентті күшейту және оны қалыптастыру моделін өзгерту ұсынылды. Сонымен қатар сайлау жүйесін жетілдіру және мемлекеттің құқық қорғау институттарын күшейту керектігі айтылды. Реформаны толыққанды жүзеге асыру үшін алты заң қабылданды. Алдымен президент өкілеттігіне қатысты түзетулер. Президенттің жергілікті атқарушы органдар мен жоғарғы сот кеңесіне қатысты жекелеген өкілеттігі мен Парламент Сенатындағы «президенттік квота» қысқартылды», – деді Алма Мұқанова орталық коммуникациялар қызметі алаңында өткен баспасөз мәслихатында.

Одан бөлек, вице-министрдің мәлімдеуінше, президенттің жақын туыстарына лауазымды қызмет атқаруға шектеу енгізілді.

«Сол сияқты Парламент Сенатының депутаттарын, Конституциялық және жоғары сот кеңесінің төрағаларын тағайындау жөніндегі Президенттің өкілеттігін өзгертуге қатысты нормалар көзделген. Президенттің қайта сайлау құқығынсыз жеті жыл мерзімге сайланатындығы туралы Конституцияның жаңа ережелеріне сәйкес келтіруге бағытталған нормалар бекітілді», – дейді ол.

Баға берсеңіз
Атырау газеті
Пікір қалдырыңыз