Президент мемлекеттік қызметшілерді құттықтады

Бұл туралы Ақорданың баспасөз қызметі хабарлады.

– Мемлекеттік қызметшілерді кәсіби мерекесімен құттықтаймын! Өздеріңізге Әділетті Қазақстанды құру жолында айрықша міндет жүктелген. Сіздер мемлекет пен қоғам мүддесін қорғап, жасампаздық пен жауапкершіліктің озық үлгісін көрсетесіздер деп сенемін. Еңбектеріңіз жемісті болсын! – деп жазды Мемлекет басшысы Қасым-Жомарт Тоқаев.