Мәдени-спорттық шаралар, жәрмеңкелер…
Бүгінгі жалпыхалықтық референдум кезінде Жылыой ауданында бірқатар іс-шаралар легі өтуде. Өз таңдауларын жасауға учаскеге келген тұрғындар мен оларға еріп келген балалар көңіл көтеріп, сергу үшін осындай шағын алаңдар жасалған.
Дауыс беру учаскелері алдында ұйымдастырылған мәдени, спорттық, балаларға арналған ойын-сауық шараларының өтуіне аудандық Жастар ресурстық орталығы мен мәдениет, тілдерді дамыту және спорт бөлімдері атсалысуда.
№101, 1258 сайлау учаскелерінің алдында «Әнім саған туған жер» атты концерттік бағдарлама өтсе, нөмірі 94 сайлау учаскесінде биылғы Балалар жылына орай батут құрылды.
Ал «Мүмкіндігі шектеулі жандар арасындағы қолөнер шеберлерінің» жәрмеңкесі мен «Тәтті тағамдар» жәрмеңкесі де қызуда.
Одан бөлек, кәсіпкерлердің ұйымдастыруымен ауыл шаруашылық өнімдерінің жәрмеңкесі де өткізілуде.
Ш.Хамитова
