ҚОЙМА МЕН ЖЫЛЫЖАЙ КӨБЕЙЕДІ

Осы орайда, ҚР Ауыл шаруашылығы министрлігі таратқан ресми мәліметтерге назар аударсақ, тек 2014 жылдың өзінде еліміз бойынша жаңадан салынып, пайдалануға берілетін көкөніс дақылдары мен жеміс-жидек қоймаларының жалпы сыйымдылығын 300 мың тоннаға, ал, жылыжайлардың ауданын 120 гектарға жеткізу межеленген. Бұдан бөлек, агроөнеркәсіп кешенінде өндірілетін ет, сүт, жүн-тері, т.б. өнімдердің сапалы күйінде жинақталып, сақталуына кепілдік беретін 100-ден астам сервистік дайындау бекетін құрып, қатарға қосу жоспарға енгізілген.
Және бір жаңалық, әңгімемізге арқау болып отырған «Агробизнес-2020» бағдарламасы шеңберінде болашақта ауыл кәсіпкерлері тарапынан ұсынылған, келешегі бар деп бағаланған жобаларды қаржылай қолдау үшін өңірлік мамандандыру картасы жасақталады. Онда әр аймақтың табиғи-климаттық ерекшеліктері, басқа да жағдайлары қатаң ескеріліп, қаперге алынып отыратын болады.

Дәулетқали АРУЕВ.