Халықаралық аренада позицияларын нығайтты

Мемлекет басшысы Қасым-Жомарт Тоқаевтың президенттік кезеңінің алты жылында Қазақстан әсерлі экономикалық көрсеткіштерді ғана емес, халықаралық аренада өз позицияларын да нығайтты. Пандемия мен геосаяси тұрақсыздық сияқты жаһандық қиындықтар жағдайында республика халықаралық ынтымақтастықты сақтап қана қоймай, кеңейтуді де іске асырды, осылайша жетекші әлемдік экономикалардың сенімді серіктесіне айналды.

Сыртқы саясаттың негізгі бағыттарының бірі ретінде тікелей шетелдік инвестицияларды тарту ерекше орын алды, бұл халықаралық серіктестер тарапынан жоғары сенімділіктің айғағы болып табылады. Соңғы алты жылда Қазақстан 130 миллиард АҚШ доллары көлеміндегі шетелдік инвестицияны тартуға қол жеткізді, оның маңызды бөлігі өңдірістік секторға бағытталды, бұл әлемдік экономикаларды диверсификациялау трендіне сәйкес келеді. Moody’s, S&P және Fitch сияқты халықаралық агенттіктер елдің инвестициялық тартымдылығын растай отырып, оған тұрақты жоғары несие рейтингін беруде.

Сонымен қатар, Қазақстанның халықаралық интеграциялық бастамаларға белсенді қатысуы ерекше назар аудартады. Транскаспий бағыты сияқты сауда дәліздерінің дамуы, теміржол желілерінің кеңеюі және инфрақұрылымды жаңғырту Қазақстанды Евразияның тек көлік хабы ғана емес, сонымен бірге жаһандық энергетикалық және азық-түлік қауіпсіздігін қамтамасыз етудегі маңызды ойыншыға айналдырды. Соңғы алты жылда сыртқы сауда айналымы 1,5 есеге өсті, бұл жүргізіліп жатқан саясаттың сәттілігін дәлелдейді.

Қазақстан көп векторлы саясатын ұстанып, әлемнің жетекші күш орталықтары арасында тепе-теңдікті сақтап, халықаралық келіссөздерде конструктивті делдал ретіндегі орнын нығайтуды жалғастыруда. Тұрақты дамуды қолдау, экологиялық бастамаларға көңіл бөлу, жасыл энергетиканы дамыту және БҰҰ-ның жаһандық бағдарламаларына қатысу елдің әлемдік қауымдастық алдындағы жауапкершілігін айқын көрсетеді.

Осылайша, Қасым-Жомарт Кемелұлының президенттік кезеңіндегі алты жылда Қазақстанның жетістіктері тек ішкі саясатта ғана емес, халықаралық аренада да айқын көрініс тапты. Елді әлемдік сенімді серіктес ретінде бекіту – болашақтың тұрақты дамуына арналған берік фундамент.

Таисия МАРМОНТОВА,
политолог