Х.Досмұхамедов атындағы Атырау университетінде референдум тақырыбы талқыланды

Атырауда студенттер референдум және конституциялық реформалар тақырыбын талқылады.

Х.Досмұхамедов атындағы Атырау университетінде облыстық мәслихат депутаты Серік Қадыров, «Қазақстанның Азаматтық Альянсы» Атырау филиалының атқарушы директоры Дана Жайлаубаева, тарих ғылымдарының докторы Сайфолла Сапановпен жастардың кездесуі өтті.

Спикерлер халық үшін саяси реформаларды жүзеге асыруға қатысудың қаншалықты маңызды екенін айтты.

• — «Жаңа Қазақстан» туралы идея — жай ғана ұран емес. Біз бірге өмір сүргіміз келетін идеалды қоғамды құра аламыз. Біз жаңа Республика құруға қатыса аламыз. 5 маусым — барлық қазақстандықтар үшін маңызды күн, өйткені ел болашағы шешіледі, — деді Серік Қадыров.

Спикерлер студенттерді мемлекеттің дамуына ықпал етуге шақырды. Ол үшін 5 маусымда өтетін референдумға белсенді қатысу маңызды.