Ұлттық ұлан қатарына қабылдау басталды

Биылғы 1-25 маусым аралығында 18-27 жас аралығындағы жастар Ұлттық ұлан (Ұлан гвардиясы) қатарына шақырылып жатыр. Бұл жөнінде Орал қаласының әскери бөлімінен ресми хабар таратылды.

Қызмет орны — Орал қаласы. Жастарды еліміздің ішкі тұрақтылығы мен қауіпсіздігін қамтамасыз ететін арнайы құрылым құрамына қабылдау көзделіп отыр. Бұл — Отан алдындағы борышты өтеу ғана емес, нағыз азаматтық тәрбие мектебі болмақ.
Әскери бөлім таратқан бейнеролик әлеуметтік желілер арқылы кеңінен таралып, тұрғындардың қызығушылығын тудырды. Тіркеу және толық ақпарат алу үшін көрсетілген нөмірлерге хабарласуға болады:
8702 152 0720, WhatsApp 8778 233 2244, 8778 095 8841, 8778 995 9497, 8701 601 2890.

Ұлттық ұлан — еліміздің ішкі қауіпсіздігін қамтамасыз ететін сенімді құрылым. Ендеше, отансүйгіш жастарға бұл — үлкен мүмкіндік.

Майра ЕРҒАЛИ

Сурет: gov.kz