Атырау облысы аумағында профилактикалық және тізімдік есепте тұрғандар тарапынан жасалатын құқықбұзушылықтар мен қылмыстардың алдын алу, жазаны өтеу орындарынан босатылған, сот әкімшілік қадағалау белгілеген азаматтарды бақылау мақсатында 10-23 ақпан аралығында «Есепте тұрған тұлғалар» жедел-профилактикалық іс-шарасы басталды.

Іс-шара кезінде рецидивтік, алкогольдік, отбасы-тұрмыстық қылмыстың алдын алуға және жолын кесуге бағытталған шараларды жүзеге асыру мақсатында учаскелік полиция қызметкерлері пробация қызметімен бірлесіп есепте тұрған тұлғаларды тұрғылықты мекен-жайларынан тексеру жұмыстарын жүргізеді.