АТЫРАУЛЫҚ ТҰРҒЫН БЕШБАРМАҚҚА НЕ ЖАСЫРҒАН?

Атыраудағы УГ-157/1 тергеу қапасында ыстық тағам салынған ыдыстың түбіне марихуана мен ұялы телефон салып өткізбек болған тұрғын ұсталды.

— 36 жастағы Атырау тұрғыны марихуананы үш пакетке орап, қасына телефон салып, ыдыстың түбіне тығып қойған, — дейді УГ-157/1 мекемесінің бөлім бастығы Саламат ҚАНАТОВ. — Алайда заңсыз сәлемдеменің жолы кесілді. Тәркіленген заттар сараптамаға жіберілді. Атырау қалалық полиция басқармасының арнайы жедел тобы шақырылып, азамат ұсталды.