Күн суытқанда учаскелік полиция инспекторлары қиын өмірлік жағдайға тап болған адамдардың болуы мүмкін жерлерді тексеруді барынша қолға алады.
Оның ішінде жылу трассалары, жертөлелер, қараусыз қалған саяжай үйлері және басқа да орындар түгел қаралады. Сақшылардың басты міндеті – үй-күйсіз жүрген азаматтардың күн суықта үсіп қалуын болдырмау.
Жақында осындай рейдтік іс-шаралардың бірін өткізу кезінде №2 учаскелік полиция бекетінің қызметкерлері Махамбет көшесінде орналасқан кәріз құдығының ішінен тұрғылықты мекен-жайы жоқ 1971 ж.т., азаматты анықтаса, №4 учаскелік полиция бекетінің учаскелік полиция инспекторлары өз аумақтарын аралау кезінде, Лесхоз мөлтек ауданында орналасқан үйлердің бірінің жертөлесінен тұрғылықты мекен-жайы жоқ 1968 ж.т., азаматты анықтап, оларды Атырау қаласы Полиция басқармасының қабылдау-тарату орнына орналастырды.
Аталған азаматтар баратын жерлері болмағандықтан жылы жерлерді пана етіп жүргендіктерін айтқан.
Айта кетейік, жыл басынан бері учаскелік полиция қызметкерлерімен қабылдап-тарату орнына тұрғылықты мекен-жайы жоқ 120-ға жуық тұлға жеткізілген.
Өз кезегінде тәртіп сақшылары қала тұрғындарынан тұрғылықты мекен-жайы жоқ адамдарды көрген жағдайда 102 нөміріне қоңырау шалуларын сұрайды.
