АТЫРАУДА ЖЕРГІЛІКТІ ПОЛИЦИЯ БАСШЫСЫ ТАҒАЙЫНДАЛДЫ

Жергілікті полиция қызметі басқармасына жаңа басшы тағайындалды.

13 маусым күні Атырау облысы Полиция департаменті бастығының орынбасары полиция подполковнигі Әділхан Байдосов Қазақстан Республикасы ҚР Ішкі істер министрі Марат Ахметжановтың 10 маусымдағы бұйрығына сай, Атырау облысы ПД Жергілікті полиция қызметі басқармасының жаңа бастығы полиция полковнигі Ерлан Биғамбаевты таныстырды.

Жаңа лауазымына дейін Ерлан Биғамбаев Атырау қалалық полиция басқармасының бірінші орынбасары қызметін атқарған.