Атырауда 80 миллион теңгеге жуық қаражатты жымқырған интернет-алаяқ ұсталды

Атырау облысында 31 жастағы тұрғын көпшілікті алдап, онлайн алаяқтық әрекеттерімен 80 миллион теңгеге жуық шығын келтірген. Күдікті онлайн-банкинг жүйесін пайдалана отырып, адамдарға несиені қолма-қол ақшаға айналдырып беремін деп сендіріп, жалған уәделермен 30-ға жуық қылмыс жасаған.

Облыстық полиция департаменті баспасөз қызметінің хабарлауынша, қазір аталған дерекке қатысты белгіленген заңдылық аясында қылмыстық іс қозғалып, тергеу амалдары жүргізілуде. Тергеу мүддесіне байланысты қосымша ақпарат жария етілмейді.

Атырау облыстық полиция департаменті тұрғындарға интернет алаяқтардан сақ болуға және жеке деректер мен банк мәліметтерін бөгде адамдарға бермеуге кеңес береді.

Алтыншаш НӘСІПҚАЛИҚЫЗЫ