Атырауда 70 келі бекіре балығы тәркіленді

«Бекіре-2024» жедел профилактикалық іс-шарасы аясында полиция қызметкерлері Атырау қаласы аумағында күдік тудырған Toyota Camry автокөлігін тоқтатты. Тексеру барысында көліктен полиэтиленді пакеттерге салынған 70 келі бекіре балығы анықталды. Бұл туралы облыстық полиция департаментінің баспасөз қызметі хабарлады.

Құзырлы орган өкілдерімен балықтың заңсыз тасымалданғаны анықталып, тәркіленді. Күдіктіге қатысты сотқа дейінгі тергеу жүргізіліп, күзетпен ұстау шарасы қолданылды.

Айта кетейік, облыста «Бекіре-2024» операциясы басталғалы бері 900 келіден астам заңсыз балық өнімдері тәркіленген.

Алтыншаш НӘСІПҚАЛИҚЫЗЫ