Әскери бөлімдердің жауынгерлік әзірлігі қандай?
Қазақстан Республикасы Ұлттық ұланының “Батыс” өңірлік қолбасшылығына қарасты әскери бөлімдерде қысқы оқу кезеңінің бақылау тексерісі басталды, — деп хабарлайды аталған қолбасшылықтың баспасөз қызметі.
Тексеру барысында әскери қызметшілер атыс даярлығы, дене шынықтыру даярлығы, сондай-ақ мемлекеттік-құқықтық дайындық пәндері бойынша нормативтер тапсырып, білім деңгейін көрсетуде. Сонымен қатар жеке құрамның жауынгерлік әзірлігі мен бөлімшелердің үйлесімді іс-қимылдары бағалануда.
Бақылау тексеріс – әскери бөлімдердің қысқы кезеңдегі оқу-жауынгерлік даярлық бойынша жетістіктерін саралап, алдағы жазғы оқу кезеңіне нақты міндеттер қоюды көздейді.
Айта кетейік, бұл тексеріс “Батыс” өңірлік қолбасшылығына қарасты барлық әскери бөлімде мамыр айының соңына дейін жалғасады.
