Түркітілдес журналистер қоры “LIDER MEDYA” холдингімен келісім жасады

Түркітілдес журналистер қорының президенті Нәзия Жоямергенқызы Түркияның Анталья қаласындағы ең ірі медиа холдинг – “LIDER MEDYA” Медиа холдингтің Басқарма төрағасы Сабри Чағлар мырзамен кездесті.

Кездесу барысында Түркітілдес журналистер қоры (TÜRK DİLİ KONUŞAN GAZETECILER VAKFI) мен “LIDER MEDYA” арасында кәсіби ынтымақтастық орнату, ортақ жобалар жасау туралы кеңес өтті. Сондай-ақ, Қазақстандағы журналистер мен журналистика факультетінің студенттерін Анталья мен Бұрсада тәжірибе алмасу мақсатында пресс турлар ұйымдастыру, жедел әрі нақты ақпарат алмасу, деректерді тексеру, тікелей эфирде жұмыс істеу шеберлігі, журналистердің қауіпсіздігі т.б қатысты арнайы курстар, семинар, вебинарлар өткізуге келісм жасалды.