«ТШО»-ның вахталық поселкесінде жұмысшы қайтыс болды

«Теңізшевройл» (ТШО) кәсіпорнына 2022 жылдың 24 тамызында Өркен кентінің құрылыс алаңы маңында «Қазтурборемонт» қосалқы мердіргер компаниясы (Intradel Projects) қызметкерінің өлі күйде табылғаны хабарланды.

«ТШО басшылығы мен қызметкерлері атынан марқұмның отбасына қайғырып көңіл айтамыз» делінген хабарламада.

Сонымен қатар, ТШО қосалқы мердігер ұйымының басшылығы тиісті мемлекеттік органдарға хабар бергенін біледі. Кез келген қосымша сұрақтарды қосалқы мердігер ұйым мен мемлекеттік органдарға жіберген жөн.