«Шуақты сәттер» ерекше балаларға қуаныш сыйлады

Атырау облысы ҚХА «Ассамблея жастары» РҚБ мүшелері қаладағы №3 Арнаулы әлеуметтік қызмет көрсету орталығында болып, «Шуақты сәттер» атты ерекше балаларға арналған қайырымдылық шарасын өткізді.

Қайырымдылық шараның мақсаты – қоғамдағы ерекше қажеттіліктері бар балаларға қолдау көрсету, олардың көңіл-күйін көтеріп, өмірлеріне қуаныш сыйлау.

Ассамблея жастары әртүрлі шығармашылық іс-шара ұйымдастырып, көпшілікті өнермен сусындатып, қуаныш сыйлап жүр. Бұл қайырымдылық шарасы жастардың адамгершілік қасиеттерін дамытуға, олардың өзара көмек көрсету мен бір-біріне қолдау көрсету мәдениетін нығайтуға үлкен ықпал етті.

-ҚХА «Ассамблея жастары» РҚБ мүшелері осындай іс-шараларды жиі өткізу арқылы қоғамдағы әлеуметтік теңсіздіктерді төмендету және әлеуметтік интеграция процесін қолдауды мақсат етеді, – дейді Атырау облысы ҚХА «Ассамблея жастары» РҚБ төрағасы Нұрхан Бағытжанов.

Айта кету керек, іс-шараға этномәдени бірлестіктердің белсенді өкілдері, «Ассамблея жастары» РҚБ мүшелері, жастар ұйымдарының өкілдері және волонтерлер қатысып, бұл шараның маңыздылығын арттыра түсті.

Тоғжан ЕРМЕК