СӘТ АТАНЫ ЕСКЕ АЛСАҚ…
Сәт атамыздың бейіті – Нарын құмында. Түнек үйі де әзір тұр. Жанында Мыңсейіт, Бексейіт, Жақия, Құрас аталарымыздың да зираттары бар. Соқпадан салынған елеусіздеу бейітін ел қамқорлығына алып, көрнекті кесене тұрғызса деген ұсыныс-пікірді 1996 жылғы 13 шілдедегі «Атырау» газетіне жазған мақаламда білдірген едім. Алайда, оған ешкім үн қоса қоймады. Менің айтайын дегенім, аруақты ардақтап, Сәт атамызға ас берсек, кесене тұрғызсақ нұр үстіне нұр болар еді. Өйткені, басы ауырып, балтыры сыздаған адамдар өзіміздің Атырау облысын былай қойғанда, Ресей жерінен, Астрахан облысынан келіп жатады. Ол үшін Исатай ауданындағы Сәт атаның ұрпақтары жиналып, қор ашса деген тілек бар. Бұл іс қолға алынса, алыс-жақындағы бауырларымыздың аянып қалмайтыны кәміл.
Өтеғали МАҒЗОМҰЛЫ,
Атырау қаласы.
