Миялыда әуежай салынады

Аудан орталығында жергілікті маңыздағы ұшақтар мен тікұшақтар ұшып-қонатын әуежай салынбақ. Бұл туралы Миялы ауылдық округінің әкімі Нұрлан Бекешев мәлімдеді.

Оның айтуынша, таяудағы үш жылдың жоспарына сәйкес, мұнда такси тұрағы, өрт сөндіру депосы мен ипподром, су бұрқақтарын салу, ауыл көшелеріне қатқыл табанды жол төсеу мен жаңғырту, жарықтандыру жұмыстары қолға алынуы тиіс.

Сонымен қатар, жаңадан 184 тұрғын үй құрылысын салуға жер телімі бөлініп, жобалық-сметалық құжаттары жасақталуда. Оның ішінде, учаскелік полиция пункті мен инспекторларға қызметтік үй салу да ойластырылған.

Қызылқоға ауданы