МЕН ҮШІН ҰМЫТЫЛМАС СӘТ

Съезде ел экономикасын ілгерілетіп, әлеуметтік ахуалын жақсарту, әлеуетін арттыру бағытында бұған дейін де ауқымды жұмыстардың атқарылғандығы, бұл үрдістің алға қарай да жалғаса беретіндігі баяндалды. Соның алдыңғы легінде ауыл шаруашылығы да аталды. Көзделген мақсат – елді бірлікке шақыру, жұртты жасампаз еңбекке жұмылдыру болып табылатындығы тиянақталды.

Осы орайда, нақты тапсырмалар беріліп, міндеттер жүктелді. Басымдыққа ие тұстар мен бірінші кезекте орындалуы тиісті іс-шаралар атап көрсетілді. Мұнда агросектордың да өз үлес-еншісі барлығын білдік. Ендігі міндет – кездескен кедергілерден кідіріссіз өтіп, қиындықтардан қорықпай, батыл қадам жасау. Ол үшін бізде күш-мүмкіндіктің бәрі бар, керегі – ынта мен ыждағат қана. Сонда өнеркәсіптің де өрлеп, ауылдағы шаруаның да алға басары күмәнсіз. Тек содан ешкім де тысқары қалмай, атсалысқаны абзал.

Сабыржан СҰЛТАНОВ,

«Құрманғазы» өндірістік

кооперативінің төрағасы.

Құрманғазы ауданы.