Облыстық туризм, дене шынықтыру және спорт басқармасының басшысы Асан Раушановтың айтуынша, аталмыш турнир 2007 жылдан бері өтпей келген еді. Енді биыл оны жандандырылып отыр.
Жарыстың бас төрешісі Талап Мұқанов палуандардың барлығы жоғары дайындықпен келгендерін айтады. Турнир қорытындысымен ұлдар арасында атыраулық Темірлан Өтеген (30 келі), Дінмұхаммед Шәменов (50 келі), Серікболсын Шынтас (66 келі), мақаттық Дулат Аманқосов (34 келі), оралдық Ерлан Уналов (38 келі), Шыңғыс Шайдрахман (42 келі), қызылқоғалық Жәнібек Тельман (46 келі), қызылордалық Мәрлен Орынбек (55 келі), Батыс Қазақстан облысының Зеленов ауданынан келген М.Иманғалиев (60 келі) және жаңаөзендік Мұхаммед Мұратов (+66 келі) алтыннан алқа тағынды. Ал, қыздар арасында әр келі салмақ дәрежесінде Ақарна Мұхамбетова (Исатай ауданы), Роза Зайнеденова (БҚО), Гүлжайнар Сәндібек (Ақтөбе қаласы), Тілекші Дүйсенова (Атырау қаласы) мен Диана Амангелдиева (Доссор кенті) үздік танылды.
Жарыс жеңімпаздары мен жүлдегерлеріне медальдар мен сыйлықтар табыс етілді.
«КҮШ АТАСЫН ТАНЫМАС»
«Атырау» дене шынықтыру-сауықтыру спорт кешенінде дзюдоға еңбегі сіңген жаттықтырушы Мәлік Сүлейменовты еске алуға арналған 2000-2002 жылдары туылған жасөспірімдер мен қыздар арасындағы ашық республикалық турнир өтті.
Байрақты додаға Ақтөбе, Батыс Қазақстан, Қызылорда, Маңғыстау және Атырау облыстары аудандарынан командалар қатысып, 250-ге жуық палуан күштерін сынасып көрді.
