Қанжығаларына талай байрақ байлап жүрген гимназия шәкірттері – Сұлтанбек Аманов пен Нұрзия Хамзина – бірінші, Данагүл Нәсіпқалиева мен Айдана Амангелдиева – үшінші, Райхан Тоқтарова мен Динара Үмітқалиева мақтау грамоталарына қол жеткізді. Олар осылайша ұлттық гимназия мәртебесін бір көтеріп тастады.
Жас ұрпақтың білім көзін ашу, шығармашылық ойлау қабілетін жетілдіру, олардың өзіне деген сенімін нығайту, бір сөзбен, өмірден өз жолын адаспай табуына мұрындық болу – білікті ұстаздар қауымының абыройлы борышы. Олай болса, біз, ата-аналар, талабы таудай балаларымыздың білім мен ғылым жолындағы жетістіктерімен олардың ұстаздарын да шын жүректен құттықтаймыз. Еңбектеріңіз өз жемісін бере берсін!
Сейітжан ДҮЙСЕКЕНОВ,
Атырау облыстық ұлттық гимназияның ата-аналар комитеті төрағасы.
