ГҮЛНӘР – ҮЗДІК ЭКОЛОГ

Облыстық табиғи ресурстар және табиғат пайдалануды реттеу басқармасымен өткен жылы ең алғаш рет ұйымдастырылған конкурсқа табиғат пайдаланушы алты мекеме қатысты. Сайыскерлер өзін-өзі таныстыру, мекеменің экологиялық бағыттағы жұмыстары туралы бейнеролик дайындау, экологиялық заңнамалар туралы сұрақтарға жауап беру, табиғат қорғауда өзіндік қосқан үлесін көрсету номинациялары бойынша бақ сынады.

Нәтижесінде  «Теңізшевройл» ЖШС-нің аға экологы Гүлнәр Тасқали ең үздік эколог атанды. Айта кету керек, ол осы компанияда 23 жылдан бері қызмет етіп келеді. Ұйымдастырушылардың айтуынша, конкурс биыл да өз жалғасын табады.

А.НӘСІПҚАЛИҚЫЗЫ.