ЕСТЕН КЕТПЕС ЕСТЕЛІК

Айтулы датаға орай қаладағы №18 орта мектебінде оқушыларды отансүйгіштікке, ерлікке тәрбиелеуде, әскери қызметтің абыройлы міндет екенін түсіндіру бағытында апта бойына тағылымды шаралар ұйымдастырылды. Алдымен оқушыларға тарихи мәліметтер кеңінен таныстырылып, «Атыраулықтар – Ауған соғысында» тақырыбында слайд көрсетілді. Оның ішінде облысымыздан қатысып, қаза болған 14 адам мен хабар-ошарсыз кеткен бір азамат жайында кеңінен әңгімеленді. Оқушылар ерлік тақырыбындағы өлеңдерді мәнерлеп оқып, Отанға деген сүйіспеншілігін шығармаларымен жеткізді. Тәрбиелік  шараларды өз деңгейінде өткізіп, әр баланың жүрегіне  жеткізе білуде мектептің тарих пәнінің мұғалімдері Жазира Құлшурина, Шынар Жакупова, Майгүл Тоғай ерекше ізденістерін байқатты.