БОЗ КІЛЕМДЕГІ ТАРТЫС

Сейсенбі күні Алматы-Атырау бағытындағы пойыздан спортшыларды облыстық дене шынықтыру және спорт басқармасының басшысы Нұржан Ермұханов бастаған жанкүйерлер үлкен қошеметпен қарсы алды.

— Биылғы жыл мен үшін үлкен сәттілікпен басталып отыр. Еліміз үшін де атаулы күндерге толы жылы ел чемпионы атанғаныма шексіз қуаныштымын, — дейді Дулат Қабдығали. – Маған қолдау білдірген барлық жанкүйерлерге, бапкерім Айбек Серғазиевке алғысым көп. Бұл менің ағымдағы жылғы соңғы жетістігім деп ойламаймын. Сондықтан, тағы медаль еншілеуге бар күш-жігерімді саламын.

Айта кетсек, жас палуандарымызды тағы да байрақты дода күтіп тұр – жастар арасында дзюдодан ел чемпионаты. Сәттілік тілейміз!