БІЗ ЕКІНШІ ОРЫНДАМЫЗ!

Осы жолы «атыраулық» Дмитрий Пархачевтың да голы өте әдемі шықты. Алаң иелерінің есепті теңестіруге барлық мүмкіндіктері бар еді. Алайда, алматылықтар берілген «пенальтиді» пайдалана алмады. Осы жерде қарсыласпен жекпе-жек кездескен қақпашымыз Жасур Нарзикуловтың ерекше үлесін айта кеткен жөн.  Кездесу 0-1 есебімен аяқталды.

Чемпионаттың екінші айналымының да алғашқы кездесуін атыраулықтар «Тараз» командасымен қарсылас алаңында өткізді. Берік Айтбаев матчтағы жалғыз голдың авторы атанып, мұнайлы өлке командасы Тараздан да үш ұпай еншілеп оралды.