БІРЛІГІ БЕКЕМ ЕЛДІҢ БОЛАШАҒЫ НҰРЛЫ

Қымбатты атыраулықтар!
1 мамыр – Қазақстан халқының бірлігі күнімен шын жүректен құттықтаймыз! Бүгінде 130 ұлтты ұйыстырып отырған елімізде 1 мамыр мерекесінің мерейі үстем. Қазақстанның бүгінгі қарыштап дамып отырғаны – еліміздегі жүрегі бір, тілегі ортақ түрлі этнос өкілдерінің жарасымды өмір сүруінің арқасы. Тәуелсіздігімізді тұғырлы ететін де, елімізді жаңа белестерге жетелейтін де біздің ауызбіршілігіміз. Бірлігі берекелі, тірлігі мерекелі, ынтымағы жарасқан елдің ғана ырысы артық.

«Қиындық атаулыны жеңетін бір-ақ күш бар, ол – бірлік». Еліңді, жеріңді қорғау үшін бірлік қаншалықты қажет болса, тәуелсіздік жемістерін, бүгінгі қол жеткен табыстарымызды сақтап қалу үшін де ол сондай қажет.
Сан ұлттың мекені болған мемлекетіміздің алар асулары алда. Бірлігі бекем елдің болашағы нұрлы, келешегі кемел. Әрдайым осы бірлігімізден айырылмай, татулығымыздан танбай, жұбымызды жазбай, болашаққа бірге қадам баса берейік. Ел тыныштығының тұнығы бұзылмай, бейбіт елдің берекесі арта берсін!
1 мамыр – Қазақстан халқының бірлігі мерекесі құтты болсын! Баршаңызға зор денсаулық, әрбір отбасына береке-бірлік, еңбектеріңізге табыс тілейміз!

Құрметпен,
«Нұр Отан» партиясы Атырау облыстық филиалы.

Баға берсеңіз
Атырау газеті
Пікір қалдырыңыз