Балаларға қуаныш сыйлаған күн

1 маусым – Халықаралық балаларды қорғау күніне орай облыстық туберкулезге қарсы балалар санаториясында «Бар мейіріміміз балаларға!» атты мерекелік іс-шара ұйымдастырылды.
Мереке барысында балалар үшін көтеріңкі көңіл-күй сыйлайтын түрлі мәдени ойын-сауық бағдарламалар өткізілді.

Іс-шара барысында қызықты ойындар, флешмобтар ұйымдастырылып, көңілді атмосферада балалар белсенді болды. Ұйымдастырушылар мен еріктілер тарапынан балаларға тәтті сыйлықтар мен ойыншықтар тарту етілді.

–Бұл жиынның басты мақсаты – санаторияда ем алып жатқан балаларға қуаныш сыйлау, оларға қоғамның, ересектердің ерекше мейірімі мен қолдауын сезіндіру, — деді Қазақстан Республикасы Іскер әйелдер қауымдастығының жастар қанаты жетекшісі Зарина Қуанышова.

Әрбір баланың күлкісі мен шат-шадыман сәттері – ең үлкен жетістік екенін атап өткен ұйымдастырушылар мұндай шаралар алдағы уақытта да жалғасатынын табатынын жеткізді.

Тоғжан ЕРМЕК

Суреттерді түсірген автор