БАЛА ЖАНЫНЫҢ БАҒБАНЫ

Ертеңгі ел болашағы, бүгінгі жас ұрпақтың тәрбиесіне аса жауапкершілікпен қарау – баршаға жүктелер міндет. Осы ұжымды ширек ғасыр бойы басқарып, аталмыш салада ұзақ жылдар бойы табысты еңбек етіп келе жатқан Алма Жұмабайқызының ісі – көпке үлгі. Бала жанының бағбаны ретінде ауыл сыйлаған өз ісінің кәсіби маманы – балабақшаның әр бөбегі үшін өз анасындай аяулы, ұжымдастарына сыйлы.

Таяуда Алма апай Ресей, Белорусь, Қазақстан елдерінің бірлесуімен жарық көрген «Білім саласының үздіктері» деп аталатын халықаралық энциклопедияға енгізіліп, жинаққа енгендерге арнайы табысталатын құрмет белгісі мен «Үздіктер» төсбелгісінің иегері атанды.

Үлкен ұжымның басшысы болып отырған Алма Жұмабайқызы – үлкен отбасының ұйытқысы, қыз ұзатып, келін түсірген, немере-жиендерінің сүйікті әжесі.

Қашан да жаңашылдықтың бастамашысы болып, кәсіби біліктілігімен көпке үлгі болған жанның ұрпақ тәрбиесіндегі еңбегі жемісті болғай дейміз.

Жеңісгүл Әліпова,

Х.Ерғалиев ауылы,

Исатай ауданы.