Бұрымдылар байқауының жаңа қатысушысы – Алтынгүл Ізтұрғанова

Atr. kz / 1-наурыз. Алтынгүл Ізтұрғанова, студент (Атырау қаласы):

• Мен 1999 жылы Балықшы поселкесінде дүниеге келдім. Әліби Жангелдин атындағы мектептен орта білім алдым. Саламат Мұқашев атындағы политехникалық колледжін «Химиялық технология және өндіріс» мамандығы бойынша аяқтап, бүгінде Атырау мұнай және газ университетінде «Органикалық заттардың химиялық технологиясы» мамандығы бойынша дәріс алып жатырмын.

• Білектей арқасында өрген бұрым,

Шолпысы сылдыр қағып, жүрсе ақырын

Кәмшат бөрік, ақ тамақ, қара қасты,

Сұлу қыздың көріп пе ең мұндай түрін? – деп Абай атамыз жырлағандай осы сайысқа қатысушы ұзын бұрымды қыздарға сәттілік тілеймін.

• Шашымды кішкене күнімнен өсіріп, баптап келе жатқан, күтіміне қатысты ақыл-кеңестерін аямайтын анам – әркез ақылшым. Қазір шашымның ұзындығы – 1 метр 18 см. Үнемі өріп жүргенді жақсы көремін.