Бүгін қандай күн?

Григориан күнтізбесі бойынша 27-ші күн, жыл соңына дейін 338 күн бар. Ал, 27 қаңтарда не болғанын білесіз бе?

Бұл күннің несімен есте қалғанын Sputnik дерекқорынан оқыңыз.

27 қаңтарда қандай елеулі оқиға болды

Бүгін Халықаралық Холокост құрбандарын еске алу күні. Ол БҰҰ Бас ассамблеясының 2005 жылдың 1 қарашасындағы шешімімен бекітілді. Бұл күн 1945 жылы 27 қаңтарда кеңес әскерінің Освенцим концлагері тұтқындарын азат етуіне байланысты белгіленген. Гитлерлік нацизм кесірінен 1933-1945 жылдары алты миллиондай еврей көз жұмған. Әртүрлі дереккөздеріне сүйенсек, бұл концлагерь жұмыс істеп тұрған уақытта 1,5 миллионнан 2,2 миллион адамға дейін қаза тапқан. Бұл күн сол нәубет жылдарында өмірі қиылғандарды еске алу күні ретінде аталып өтеді.

Сондай-ақ бүгін Бүкіләлемдік интернеттен бас тарту күні. Уақыт өткен сайын адамзаттың интернетке тәуелділігі артып келеді, ол ғаламшардың барлық халық санатын, баладан ересек адамға дейін қамтиды. Виртуалды әлем шынайы өмірді алмастыруы мүмкін, мұны көптеген зерттеушілер мен ғалымдар айтып жүр. Қазіргі уақытта әлем бойынша 3 миллиардтан астам адам белсенді түрде интернетті пайдаланады және бұл сан күн сайын өсіп жатыр. Дамыған елдерде бұл көрсеткіш 80-90 пайызға (сәбилерден өзгесі) дейін жетеді.

Дегенмен, көптеген энтузиаст адамдар болашақтың интернетке тәуелді болғанын қаламайды, сондықтан Халықаралық интернеттен бас тарту күнін бекітті. Бұл күні туғандарыңыз мен достарыңызбен әңгімелесіп, таза ауада қыдыру керек. Мәдени орындарға барып, сүйікті ісіңізбен айналысқан жөн-ақ.

27 қаңтарда әлемде болған тарихи оқиғалар

1859 жылы Оттава Канаданың астанасы болып жарияланды;

1880 жылы Томас Эдисон электр шамын патенттеді;

1926 жылы Лондонда өнертапқыш Джон Лоджи Бейрд алғашқы теледидарды таныстырды.

27 қаңтарда Қазақстанда болған тарихи оқиғалар

1992 жылы Өскемендегі мыс-қорғасын комбинатында Қазақстанның тұңғыш алтын кесегі өндірілді;

1996 жылы Қазақстан президентінің «Кен және кенді пайдалану туралы» жарлыққа қол қойылды;

2010 жылы Мәскеуде Кеңес Одағының Батыры, жазушы Бауыржан Момышұлының 100 жылдық мерейтойына орай «Аңыз батыр» (Легендарный батыр) жинағы жарық көрді;

2011 жылы мемлекет басшысы «2011 жылды Қазақстан Тәуелсіздігінің 20 жылдығы деп жариялау туралы» жарлыққа қол қойды.

2011 жылы Астанада «Қазақстан-2020» жалпыұлттық демократиялық күштер коалициясының алғашқы отырысы өтті.

27 қаңтарда әлемде дүниеге келген танымал тұлғалар

1791 жылы австриялық композитор және виртуоз орындаушы Вольфганг Моцарт дүниеге келді;

1826 жылы орыс жазушысы, журналист, Рязан және Тверь вице-губернаторы Михаил Салтыков-Щедрин дүниеге келді;

1974 жылы әйгілі норвегиялық биатлоншы Уле-Эйнар Бьерндален дүниеге келді, ол қысқы Олимпиада ойындарында 13 медаль (8 алтын), әлем чемпионаттарында 19 және әлем кубоктарында 6 медаль жеңіп алған спортшы;

1977 жылы ресейлік эстрада әншісі, композитор және актриса Елена Ваенга дүниеге келді.

27 қаңтарда Қазақстанда кім туды

1948 жылы «Астана Опера» опера және балет театрының директоры Төлеубек Әлпиев дүниеге келді.

Ай күнтізбесі

Ай Сарышаян белгісінде орналасады. Бүгін бойыңыздағы энергияңыз тасып, кез келген істі тындыра аласыз. Ешқандай тосқауыл кедергі бола алмайды. Бүгінгі күн есіңізде мәңгі қалатыны анық.